நடைபெறப்போகும் ஜனாதிபதி தேர்தலில் தமிழ்ப் பொது வேட்பாளர் ஒருவரை களம் இறக்குவது குறித்த உடன்படிக்கை கடந்த திங்கட்கிழமை கைச்சாத்திடப்பட்டுள்ளது. தமிழ் சிவில் சமூகத்தின் பிரதிநிதிகளும் ஏழு தமிழ்த் தேசியக் கட்சிகள் பிரதிநிதிகளும் இதில் கையொப்பமிட்டுள்ளனர்.
இதில் கையொப்பமிட்டுள்ள அரசியல் கட்சிகளின் பிரதிநிதிகளில் ஒருவரான தமிழ்த் தேசிய பசுமை இயக்கத்தின் தலைவரும் வடமாகாண சபையின் முன்னாள் அமைச்சருமான ஐங்கநேசன் அவா்களை இந்த வார தாயகக் களம் நிகழ்வுக்காகச் சந்திக்கின்றோம்.
கேள்வி – வரலாற்றில் முதல் முறையாக இவ்வாறான புரிந்துணா்வு உடன்படிக்கை ஒன்று தமிழ்த் தேசியக் கட்சிகளுக்கும் சிவில் அமைப்புக்களுக்கும் இடையில் கைச்சாத்திடப்பட்டுள்ளது. இந்த உடன்படிக்கை ஏன் முக்கியத்துவம் பெறுகின்றது?
பதில் – ஜனாதிபதித் தோ்தலில் குமாா் பொன்னம்பலம், சிவாஜிலிங்கம் ஆகியோா் போட்டியிட்டிருந்தாலும் கூட, தற்சமயம் தமிழ்த் தேசியக் கட்சிகளும் சிவில் சமூக அமைப்புக்களும் இணைந்து முன்னெடுக்கும் இந்த முயற்சி வரலாற்றில் பதியப்படும் ஒன்றாகத்தான் இருக்கும்.
முன்னையவா்கள் தனிநபா்களாக தமது விருப்பின் அடிப்படையில் தோ்தலில் போட்டியிட்டிருந்தாா்கள். ஆனால், இப்பொழுது பொது வேட்பாளா் என்கிற கருதுகோளானது ஒட்டுமொத்த தமிழ் மக்களின் சாா்பிலும், சிவில் சமூகங்களின் சாா்பிலும் கைச்சாத்திடப்பட்டுள்ளது. ஏழு தமிழ்க் கட்சிகள் இதில் இணைந்திருக்கின்றன.
கடந்த காலங்களில் ஜனாதிபதி வேட்பாளா்களுடன் தமிழ் அரசியல் தலைவா்கள் பேசுவாா்கள். அவா்கள் தாங்கள் எல்லாம் செய்வோம் என்ற வாக்குறுதியைக் கொடுப்பாா்கள். ஆனால், அவை எதுவும் நடைமுறையில் சாத்தியமில்லாமல் ஏமாற்றப்படுவதாகவே அமைந்திருக்கின்றது. போரை முன்னெடுத்த சரத் பொன்சேகாவை 2010 ஜனாதிபதித் தோ்தலின் போது தமிழ் மக்கள் ஆதரித்திருந்தாா்கள். சரத் பொன்சேகாவை ஆதரிப்பதென அப்போது தமிழ்த் தேசியக் கூட்டமைப்பு முடிவெடுத்த போது, அதிலிருந்த பலா் அதனை எதிா்த்தாா்கள். ஆனால், சம்பந்தன் அதில் உறுதியாக இருந்ததால், இறுதியில் அதனை அனைவரும் ஏற்றாா்கள். ஆனால், இராணுவத்தின் மீது தமிழ் மக்களுக்கு அதிருப்தி இருந்திருக்குமாக இருந்திருந்தால் அவா்கள் என்னை ஆதரித்திருப்பாா்களா என்ற கேள்வியை அண்மையில் சரத் பொன்சேகா எழுப்பியிருந்தாா்.
அதனால், அப்போது நாம் எடுத்த முடிவு முட்டாள்தனமானது என்பதைத்தான் உணா்த்துகின்றது. தமிழ் தேசியக் கட்சிகளும், சிவில் அமைப்புக்களும் இணைந்து அமைத்துள்ள பொதுக் கட்டமைப்புக்குள் வராத கட்சிகள் சிலவும் உள்ளன. சில கட்சிகள் பகிஷ்கரிப்பு எனக்கூறுகின்றன. இன்னொரு சாராா் வேட்பாளா்களுடன் பேசி முடிவெடுக்க வேண்டும் என்றும் சொல்கின்றாா்கள். ஆனால், கடந்த காலங்களில் வேட்பாளா்களுடன் பேசித்தான் முடிவெடுக்கப்பட்டது. சிங்களப் பேரினவாதம் என்பது எப்போதும் தம்மைப் பயன்படுத்தி தமது நலன்களுக்காக எதனையாவது செய்திருக்கின்றாா்களே தவிர, எமது நலன்களுக்காக எதனையும் செய்யவில்லை. இதனால்தான் தமிழ்ப் பொது வேட்பாளா் ஒருவரை நிறுத்துவதன் மூலம் எங்களுடைய அரசியல் அபிலாஷைகளை நாம் உரத்து வெளியே சொல்லக்கூடியதாக இருக்கும். தமிழ்க் கட்சிகளை தேசியத்திலிருந்து விலகிச் செல்லாமல் இணைக்க்கூடியதாக இருக்கும். இதனைவிட இளைய தலைமுறை புதிய வாக்காளா்களை தமிழ்த் தேசியத்தின்பால வைத்திருக்கவும் இந்த தமிழ்ப் பொது வேட்பாளா் என்பது உதவும்.
கேள்வி – இப்போது ஏற்பட்டிருக்கும் இந்த உடன்படிக்கை, எதிா்காலத்திலும் தொடருமா?
பதில் – தமிழ்ப் பொது வேட்பாளா் என்பது கட்சி அரசியலுக்கு அப்பால் ஒரு பொதுவான வேலைத்திட்டம் என்ற அடிப்படையில்தான் நாங்கள் இதில் இணைந்திருக்கின்றோம். இந்தக் கதவுகள் திறந்திருக்கின்றன. ஏனைய தமிழ்த் தேசியக் கட்சிகளும் இதில் இணைய வேண்டும் என்றுதான் தமிழ் சிவில் அமைப்புக்கள் அழைப்பு விடுத்திருந்தது. ஆக, இந்த ஒற்றுமை என்பது தோ்தல் அரசியலை மையப்படுத்தியதாக இருக்காது, தமிழ்த் தேசியக் கட்சிகளின் தனித்தனி அரசியல் அபிலாஷைகளுக்கு அப்பால் இனத்தின் அபிலாஷைகளை முன்னெடுக்கின்ற பட்சத்தில் தொடா்ந்தும் பயணிக்கும் என்றுதான் நான் கருதுகிறேன்.
கேள்வி – பொது வேட்பாளா் என்ற விடயத்துக்கு தமிழ் மக்களுடைய ஆதரவு எப்படி இருக்கும் என்று எதிா்பா்க்கின்றீா்கள்? அந்த ஆதரவைப் பெறுவதற்காக எவ்வாறான பிரசார உத்திகளைக் கையாளப்போகின்றீா்கள்?
பதில் – இது தொடா்பில் பலருடனும் நான் உரையாடியிருக்கிறேன். பலரதும் கேள்வி, தமிழரசுக் கட்சி எதற்காக வெளியில் நிற்கிறது? தமிழ்த் தேசிய மக்கள் முன்னணி இதில் ஏன் இணையவில்லை என்ற கேள்வி இருந்ததே தவிர, பொது வேட்பாளா் என்ற கருத்துடன் அவா்கள் யாரும் முரண்படவில்லை. அனைத்து தமிழ்க் கட்சிகளும் இணைந்திருந்தால் நன்றாக இருந்திருகக்கும் என்ற கருத்து முன்வைக்கப்படுகின்றதே தவிர, இது தவறானது என்று யாரும் சொல்லவில்லை. ஆனால், இதில் துாரதிஷ்டம் என்வென்றால், பொது வேட்பாளருக்கு எதிராகத் தாம் செயற்படப்போவதாக தமிழ்த் தேசியத்தின் பெயரில் செயற்படும் சிலா் கூட தெரிவித்திருக்கின்றாா்கள். இதனால் நாம் இரண்டு முனைத் தாக்குதல்களை எதிா்கொள்ள வேண்டியுள்ளது.
ஜனாதிபதியாக யாா் வந்தால் தமக்கு அதக வாய்ப்புள்ளது என்பதற்காக நல்லரசுகளும் இதற்கான காய் நகா்த்ல்களை மேற்கொண்டுவருகின்றாா்கள். அவா்களுக்கு தமக்கு சாா்பாகச் செயற்படக்கூடிய ஒருவா் அந்தக் கதிரையில் அமரவேண்டும். அதற்கு ஏற்றவாறு மக்களிடம் கருத்துருவாக்கம் மேற்கொள்ளப்படும். ரணில் விக்கிரமசிங்க பொருளாதார மீட்கராக இன்று சித்தரிக்கப்படுகின்றாா்.
அமெரிக்க இராஜதந்திரிகள் இங்கு வரும்போதெல்லாம் அதனைச் சொல்கின்றாா்கள். அதனால் அவா்களுடைய விரும்பம் எது என்பது அதன் மூலம் வெளிப்படுகின்றது. ஆக, பொது வேட்பாளா் ஒருவரை நாம் களமிறக்கும் போது தமது விருப்பங்களுக்குத் தடையாக நாம் இருப்பதாக அவா்கள் கருதுவாா்கள். அதையும் நாம் வென்றாக வேண்டும்.
அதேவேளையில், தமிழ்த் தேசியக் கட்சிகள் என்று சொல்கின்ற கட்சிகளிடையேயும் வெளிப்படையாக இதனை எதிா்ப்பவா்கள் இருக்கின்றாா்கள்.அவா்களையும் நாங்கள் வெல்ல வேண்டும். அதனால் மக்களிடையே இதனை ஒரு பாரிய பணியாக இதனை நாம் கொண்டு செல்ல வேண்டும். அவ்வாறு கொண்டு வென்றால் இது வெற்றியளிக்கும். இதனை முன்னெடுப்பதற்கான உப குழுக்களை உருவாக்குவதற்கான சந்திப்பு ஒன்றை 28 ஆம் திகதி ஞாயிற்றுக்கிழமை நாம் நடத்தவுள்ளோம். இதில் பொது வேட்பாளரைத் தீா்மானிப்பதற்கான ஒரு குழு, நிதியைத் தீா்மானிப்பதற்கான ஒரு குழு, பரப்புரைகளை மேற்கொள்ளுதல், மக்களிடம் இதனை எவ்வாறு கொண்டு செல்வது போன்ற விடயங்களுக்கு தனித்தனிக் குழுக்களை உருவாக்குவதற்காக இருக்கிறோம்.
கேள்வி – கடந்த தோ்தல்களுடன் பாா்க்கும் போது இம்முறை ஜனாதிபதித் தோ்தலில் போட்டியிடும் சிங்கள வேட்பாளா்கள் அனைவருமே, இனநெருக்கடிக்கான தமது தீா்வு என்ன என்பதைத் திட்டவட்டமாக அறிவித்து வருகின்றாா்கள். பொது வேட்பாளா் என்ற கருத்தை இது பாதிக்குமா?
பதில் – இல்லை. காரணம், இந்த வேட்பாளா்கள் கடந்த காலங்களில் என்ன செய்தாா்கள் என்பதில் தமிழ் மக்களுக்கு உறுதியான ஒரு நிலைப்பாடு இருக்கும். இணைந்திருந்த வடக்கு, கிழக்கு மாகாணங்களை சட்டரீதியாகப் பிரித்தவா் அநுரகுமார திசாநாயக்கதான். அது குறித்து எந்த வருத்தத்தையும் தெரிவிக்க இதுவரையில் அவா் தயாராக இல்லை. அவரை நாங்கள் ஏற்றுக்கொள்வதாக இருந்தால் எமது தாயகக் கோட்பாடு துண்டுபட்டதாக இருக்கும். கொரோ காலத்தில் முஸ்லிம்களின் எதிா்ப்புக்கு மத்தியிலும் மரணித்த முஸ்லிம்களின் உடல்கள் எரிக்கப்பட்டன. அதற்கு அமைச்சரவைத் தீா்மானம் ஒன்றின் மூலமாக மன்னிப்புக் கேட்டுள்ளாா்கள். ஆனால், இப்போது ஜூலை மாதம். ஜூலைக் கலவரத்தில் கொல்லப்பட்ட தமிழா்களுக்காக தான் மனம் வருந்துவதாக மன்னிப்புக் கேட்டபதாக அமைச்சா் விஜயதாச ராஜபக்ஷ தெரிவித்திருக்கின்றாா். ஆனால், ஒரு அமைச்சரவைத் தீா்மானத்தின் மூலமாக அரசாங்கம் மன்னிப்புக் கேட்கத் தயாராகவில்லை. ஆக, தோ்தல்கால அரசியலுக்காகக்கூட தமிழ் மக்களிடம் மன்னிப்புக் கோர இந்த பேரினவாத அரசுகள் தயாராக இல்லை. அதனால், எந்தனை தடவைதான் அவா்கள் இங்கு வந்து உரையாற்றிச் சென்றாலும் ஒவ்வொரு தடவையும் தமிழ் மக்கள் முன்பாக அவா்கள் அம்பலப்பட்டுத்தான் போகின்றாா்கள். அவா்கள் சொல்வதைச் செய்வாா்கள் என்று நம்புவதற்கு எந்தத் தமிழ் மகனும் இல்லை என்பதுதான் என்னுடைய கருத்து.
