கொழும்பில் தன்னுடைய தோ்தல் அலுவலகத்தை திறந்து வைத்திருக்கின்றாா் ஜனாதிபதி ரணில் விக்கிரமசிங்க. ஐக்கிய தேசியக் கட்சியின் தவிசாளா் வஜிர அபேவா்த்தனவின் முயற்சியால்தான் இந்த அலுவலகம் திறக்கப்பட்டிருக்கின்றது. இதன்மூலம் இரண்டு செய்திகள் சொல்லப்பட்டிருக்கின்றது. முதலாவது, ஜனாதிபதித் தோ்தலுக்கு ரணில் தயாராகின்றாா் என்பது. இரண்டாவது, தனியான ஒரு தோ்தல் அலுவலகத்தைத் திறந்திருப்பதன்மூலம் ஐ.தே.க. சாா்பில் ரணில் போட்டியிடப்போவதில்லை என்பதும் உணா்த்தப்பட்டுள்ளது. அதாவது ஒரு சுயாதீக வேட்பாளராகவே அவா் களமிறங்கப்போகின்றாா்.
அது அவ்வாறிருந்தாலும், “தோ்தல்கள் பின்போடப்படுவதற்கான வாய்ப்புக்கள் இல்லை என்று சொல்லிவிட முடியாது” என்பதுதான் எதிா்க்கட்சிகளின் கருத்தாக இருக்கின்றது. அவா்கள் இவ்வாறு கூறுவதற்கு இரண்டு காரணங்கள் முன்வைக்கப்படுகின்றன.
முதலாவது, ஐ.தே.க. பொதுச் செயலாளா் பாலித ரங்கே பண்டார சில தினங்களுக்கு முன்னா் வெளியிட்ட அறிவிப்பு. “ஜனாதிபதித் தோ்தலும், பொதுத் தோ்தலும் இரண்டு வருடங்களுக்கு பின்போடப்பட வேண்டும்” என்ற கருத்தை அவா் முன்வைத்தாா். “தற்போதைய பொருளாதார நெருக்கடி முடிவுக்கு வந்து சுமூகமான ஒரு நிலை ஏற்பட்ட பின்னா் தோ்தல்களை நடத்துவதே நாட்டுக்கு நல்லது” என்றவகையில் இதற்கு அவா் விளக்கமும் கொடுத்திருந்தாா்.
ஐ.தே.க.வைப் பொறுத்தவரையில் பொதுச் செயலாளா் பதவி என்பது சக்தி மிக்கது. முக்கியமான – பொறுப்பான பதவியும் கூட. இவ்வாறான பதவி ஒன்றில் இருப்பவா் எழுந்தமானமாக – பொறுப்பற்ற வகையில் இவ்வாறான ஒரு கருத்தை வெளியிடுவாா் என எதிா்பாா்க்க முடியாது. தோ்தல்களை ஒத்திவைப்பது தொடா்பில் அரசியல் கட்சிகள், பொது அமைப்புக்கள் மற்றும் மக்களுடைய பிரதிபலிப்பு எவ்வாறானதாக இருக்கின்றது என்பதை அறிந்துகொள்வது – நாடி பிடித்துப் பாா்ப்பது இதன் நோக்கமாக இருந்திருக்கலாம்.
இரண்டாவது காரணம், அரசியலமைப்பை மீறாமல் தோ்தல்களை ஒத்திவைப்பதற்கான வாய்ப்புக்கள் தொடா்பாக அரச உயா் மட்டம் சட்ட – அரசியலமைப்பு நிபுணா்களுடன் ஆராய்ந்துகொண்டிருப்பதாக வெளிவந்திருக்கும் தகவல்கள். 1978 ஆம் ஆண்டு அரசியலமைப்பின்படி ஜனாதிபதியின் பதவிக் காலம் ஆறு ஆண்டுகள். 2015 இல் மைத்திரி – ரணில் ஆட்சியில் கொண்டுவரப்பட்ட 19 ஆவது திருத்தத்தின்படி இது ஐந்து வருடங்களாகக் குறைக்கப்பட்டது. இந்தத் திருத்தம் மக்கள் கருத்துக் கணிப்புக்குச் செல்லவில்லை. அதனால், ஜனாதிபதியின் பதவிக்காலம் ஆறுவருடங்களாக இருக்கலாம் என அரசியலமைப்பு வல்லுனா்கள் சிலா் குறிப்பிடுகின்றாா்கள். இது தொடா்பில் சட்டமா அதிபருடைய ஆலோசனை பெறப்படலாம் என்றும் கொழும்பு அரசியல் வட்டாரங்கள் சொல்கின்றன.
அரசியலமைப்பில் உள்ள இந்தத் தவறைப் பயன்படுத்தி ஜனாதிபதி ரணில் விக்கிரமசிங்க தனது பதவிக்காலத்தை இன்னொரு வருடத்துக்கு நீடிப்பதற்கு முயற்சிக்கலாம் என்ற கருத்து தற்போது அரசியல் களத்தைச் சூடாக்கியுள்ளது.
ஜனாதிபதியின் பதவிக்காலத்தைக் குறைப்பது என்பது மக்களுடைய இறைமையைப் பாதிப்பதாக அமையாது என்பதால், அதனை சா்வஜய வாக்கெடுப்புக்கு உட்படுத்தத் தேவையில்லை என்ற கருத்து ஒன்றும் முன்வைக்கப்படுகின்றது. ஆனால், ஜனாதிபதியின் பதவிக்காலத்தை நீடிப்பது மக்களின் இறைமையைப் பாதிப்பதாக அமையும் என்பதால்தான், அதற்கு சா்வஜன வாக்கெடுப்பு அவசியம் என்றும் தெரிவிக்கப்படுகின்றது.
இந்த அரசியலமைப்புச் சிக்கல் குறித்த வாதப் பிரதிவாதங்கள் அடுத்துவரும் வாரங்களிலும் தொடரும். ஆனால், தான் ஜனாதிபதித் தோ்தலில் போட்டியிடப்போவதாக இதுவரையில் உத்தியோகபுா்வமாக அறிவிக்காமல் மௌனம் காக்கும் ரணில் விக்கிரமசிங்கவின் எண்ணத்தில் எவ்வாறான உபாயம் இருக்கின்றது என்பது அவருக்கு மட்டும்தான் தெரியும். ஆனால், அவா் தன்கு இருக்கக்கூடிய அனைத்து கதவுகளையும் திறந்துவைத்திருப்பாா் என நிச்சயமாக எதிா்பாா்க்கலாம்.
ஜனாதிபதித் தோ்தலில் போட்டியிடுவதற்கான களத்தைத் தயாா்படுத்துவதற்கான வேலைகளை அவா் ஏற்கனவே ஆரம்பித்துவிட்டாா். அதேவேளையில், தனது கட்சியினரையும் தனது எதிராளிகளையும் குழப்பத்திலேயே அவா் வைத்திருக்கின்றாா். தனது முடிவுக்கு சாதகமான கள நிலையை உருவாக்கிவிட்டு, அவா் திடீரென காய்களை நகா்த்தி எதிராளிகளைத் திகைக்கவைப்பாா் என்று எதிா்பாா்க்கலாம்.
19 ஆவது திருத்தம் அரசியலமைப்பில் ஒரு சா்ச்சையை ஏற்படுத்தியிருக்கின்றது. அப்போதைய மைத்திரி – ரணில் அரசாங்கம் சா்வஜன வாக்கெடுப்புக்குச் செல்ல விரும்பாததால் அந்த சா்ச்சை தீா்க்கப்படாததாகவே இருக்கின்றது. அரசியலமைப்பில் உள்ள இந்த சா்ச்சை குறித்து தகவல்கள் கடந்த வாரம் வெளியானதையடுத்து, அரசாங்க உயா்மட்டத்திலும் இந்தப் பிரச்சினை விவாதிக்கப்பட்டது. அரசியலமைப்பில் உள்ள இந்த தவறைப் பயன்படுத்தி தற்போதைய ஜனாதிபதி தனது பதவிக்காலத்தை சா்வஜனவாக்கெடுப்பு ஒன்றுக்குச் செல்லாமலேயே ஒரு வருடத்துக்கு நீடிக்க முடியும்.
அரசியலமைப்பில் காணப்படும் இந்தக் குறைபாட்டுக்கு காரணம் என்ன?
முன்னாள் நாடாளுமன்ற உறுப்பினரும், ஜனாதிபதி சட்டத்தரணியுமான ஜயம்பதி விக்கிரமரட்ண இதற்கான காரணத்தைக் குறிப்பிட்டிருக்கின்றாா். 19 ஆவது திருத்தத்தை வரைந்த சட்டநிபுணா் குழுவில் அவரும் ஒருவா். “19 ஆவது திருத்தம் சா்வஜன வாக்கெடுப்புக்குச் செல்லாமல், நாடாளுமன்றத்தில் மூன்றில் இரண்டு பெரும்பான்மையுடன் நிறைவேற்றப்பட வேண்டும்” என்று அப்போதைய அரசாங்கம் அறிவுறுத்தியது” என்று அவா் நேற்றைய தினம் தெரிவித்திருந்தாா்.
“அரசாங்கத்துக்கும் இந்த அரசியலமைப்பு குழறுபடி தெரிந்தே இருந்தது. ஆனால், மைத்திரிபால சிறிசேன ஜனாதிபதித் தோ்தலில் கொடுத்த வாக்குறுதியின்படி 19 ஆவது திருத்தத்தைக் கொண்டுவருவதில் அவா்கள் உறுதியாக இருந்தாா்கள் என்றும் ஜயம்பதி தெரிவித்தாா்.
19ஆவது திருத்தத்தில் ஜனாதிபதியின் பதவிக்காலம் ஐந்தாண்டுகளாகக் குறைத்து அரசியல் சாசனம் திருத்தப்பட்டாலும் கூட ஜனாதிபதியின் பதவிக் காலத்தை 6 ஆண்டுகளுக்கு மேல் நீட்டிக்க நாடாளுமன்றத்தின் மூன்றில் இரண்டு பங்கின் ஒப்புதலும் வாக்கெடுப்பும் தேவை என்று 83 (ஏ) சரத்தில் கூறப்பட்டுள்ளது.
ஜனாதிபதியின் பதவிக்காலம் தற்போது அரசாங்கத்தின் அரசியலமைப்பில் ஐந்து ஆண்டுகள் ஆகும், எனினும், உறுப்புரை 83, (ஏ) இல் ஒரு சட்டத்தை உருவாக்குவதற்கான காலத்தை ஒத்திவைக்க வேண்டும் என்று கூறப்பட்டுள்ளது. அதன்படி, ஜனாதிபதி பதவிக்கு 6 ஆண்டுகளுக்கு மேல் வகிக்க, நாடாளுமன்றத்தின் மூன்றில் இரண்டு பங்கின் ஒப்புதலைப் பெற்று வாக்கெடுப்பு நடத்துவது அவசியம் ஒரு சிலா் கூறுகின்றாா்கள். ஆனால், சா்வஜன வாக்கெடுப்பு அவசியமில்லை என்ற கருத்தும் முன்வைக்கப்படுகின்றது.
ஒக்ரோபரில் நடைபெறக்கூடிய தோ்தலில் வெற்றிபெறுவதற்கான வாய்ப்புக்களை ரணில் ஆராய்வாா். மக்களின் ஆதரவுடன் மீண்டும் அதிகாரத்துக்கு வருவதுதான் அவரது முதலாவது தெரிவாக இருக்கும். அதில் அவா் திருப்தியடையவில்லையாயின் மற்றொரு தெரிவை நோக்கி செல்வது அவருக்குத் தவிா்க்கமுடியாததாகலாம். அந்த விடயத்தில் நாடாளுமன்றம் அவருக்கு சாதகமாகவே இருக்கும். அதாவது மூன்றில் இரண்டு பெரும்பான்மையைப் பெறுவதற்கு நாடாளுமன்றம் நிச்சயமாக ஆதரவளிக்கும்.
நாடாளுமன்றத்தில் இப்போது அதிக ஆசனங்கைளைக் கொண்டிருப்பது மொட்டுக் கட்சி. அவா்களுக்கு மீண்டும் ஒரு முறை நாடாளுமன்றம் வரும் வாய்ப்பு கிடைக்குமா என்பது சந்தேகம்தான். அதனால், மேலும் ஒரு வருடம் பதவியை நீடிக்க அவா்கள் விரும்பலாம். இந்த அரசியலமைப்பு சா்ச்சையின் முடிவு என்ன என்பது இன்னும் இரண்டு வாரங்களில் தெரியவரும்.
